අරාබිකරය සිහිගන්වන ලංකාවේ වැලිකදු
දීර්ඝ කාලයක් තිස්සේ පැවති යුද්ධයෙන් පසුව ලංකාවේ උතුරු ප්‍රදේශය නැරඹීමට යාමට බොහෝ දෙනා පෙළඹෙති. ඒ අතර නාගදීපය දඹකොළ පටුන වැනි ස්ථාන වලට ප්‍රධාන තැනක් හිමිවේ.නමුත් උතුරු ප්‍රදේශයේ ග්‍රාමීය පෙදෙස් වල සංචාරය කරන්නන් බොහෝ අඩුය.
බොහෝ විට වැලිකදු දක්නට ලැබෙන්නේ අරාබිකරය හෝ කාන්තාර ලක්ෂණ ඇති ප්‍රදේශ වලය. නමුත් ලංකාවේ උතුරු කෙළවරේ නැගෙනහිර වෙරළේ පිහිටා ඇති මනල්කාඩු ප්‍රදේශය දුටුවකුට එකවර සිහිවන්නේ කාන්තාරය. පේදුරුතුඩු නගරයෙන් දකුණු දෙසට ටික දුරක් ගොස් වමට තිබෙන කුඩාපාරකින් ගිය විට මනල්කාඩු
වෙරළ තීරයට පිවිසීමට හකියාව තිබෙනවා. මනල්කාඩු පාරේ අවසන් කොටස වැලි සහිත නිසා පයින් යාම තමයි හොදම දේ.මෙම වෙරළේ විටින් විට වැලි කුණාටු ද ඇති වේ.
යාපනය අර්ධද්වීපයේ විශාලම පයිනස් වනාන්තර පිහිටා තිබෙන්නේ මෙම ප්‍රදේශයේ ය.මෙම ප්‍රදේශයේ දැනට පවුල් 300ක් පමණ ජීවත් වෙනවා.ඔවුන් ගේ ප්‍රධාන ජීවනෝපාය ධීවර කර්මාන්තය යි. මෙහි නටබුන්ව ගිය පැරණි කතෝලික දේවස්ථානයක් ද ඇත.
wede hodai idiriyatath karagena yanna.good luck
ReplyDelete